由零曝光到第一筆生意：我是如何把產品推到人前（仲唔洗用一大筆冤枉錢）

Painless AI Lab 實戰派 AI 探索之路（第19集）

如果你一路都有睇我呢個Painless AI Lab’s Blog，大概都知我一直喺張迫夾嘅書枱度，摸索緊點樣網上賺錢。我哋之前傾過點樣搵熱賣產品，用Google Trends 評估產品熱賣度。

搵到產品還搵到產品。但老實講？呢個根本唔係最難嘅部分。

當你個產品出街，然後……一片死寂，完全冇聲氣，嗰種殘酷嘅現實先至係最大打擊。你即刻會明一個道理：冇人望到嘅話，你個產品基本上同隱形冇分別。如果根本冇人知你存在，你係賺唔到半個仙。

咁到底點樣唔使洗成副身家賣廣告，又可以將啲實物或者數碼產品推到啱嘅人面前呢？以下係我一路以嚟學到、試過、甚至中過伏嘅心得。

唔使錢嘅「攻略」

當你冇乜筆直嘅時候，唯有用時間同創意去搭夠，而呢個亦都係我呢排集中火力嘅地方：

• 社交平台自然曝光（如Facebook、IG、X等）： 我用AI幫手度啲吸引嘅Caption、吸引位（Hook），簡單易明的產品描述。

• 建立一啲共同興趣嘅群組去建立忠實客仔，好過就咁對住班陌生人hard sell。

• 現有嘅網上平台：如Carousell喺呢啲平台上, 可以免費上架產品. 如果是數碼產品, 可以試Gumroad. (只是拆Commission)。不過未賣嘢前，先想好如何建立信任。 因為冇人會喺一個冇樣、零評價嘅新帳號買嘢。

• 搜尋引擎（傳統SEO + AI時代嘅新玩法）： 如果你唔想畀錢賣廣告，就要確保搜尋引擎，同埋愈嚟愈普及嘅 AI 工具搵到你。如果 ChatGPT、Perplexity 或者 Google Gemini 搵唔到你啲產品，你喺網絡世界即係等於不存在。當人哋問AI助手有咩好推介嗰陣，會否彈您產品出嚟？

• 建立直接聯絡渠道（Email、WhatsApp、Line）： 買一次嘅客固然好，但回頭客先係生意能夠生存落去嘅關鍵。

畀錢賣廣告：幾時先好開荷包？

完全唔使錢嘅自然流量係需要時間，分分鐘要等幾個星期、幾個月密密出Post先會見效。如果你想快，咁就要考慮喺社交平台或者搜尋引擎畀錢賣廣告。不過，每次打開 Facebook 或者 Google 嘅廣告預算管理員，我對手都會有啲震。如果Target得唔準，隨時幾百蚊就咁掉落鹹水海，仲要係零轉化。

我而家嘅原則好簡單：先用免費方法測試，未幫你吸引到第一個客之前，千祈唔好掂付費廣告。 唔係嘅話，你只不過係倒錢落海。

真心話

想人注意到你嘅產品，真係冇乜神奇秘技，要有耐性令客戶對你有信心。有時你喺不同平台出Post，結果得幾個Like，真係會好灰。但係，每一次微調標題、影靚啲張相、講一個真誠嘅故事，都係將你同「第一個陌生人買你嘢」嘅距離拉近咗少少。

咁你呢？

邊樣嘢最嘥你嘅時間同心力，係同演算法爭自然曝光，定係眼睜睜望住廣告費燒晒但一件都賣唔出？