做咩無端端沉迷玩 AI 影片？

無痛 AI 實驗室:  一位香港 Practitioners 的實戰 AI 隨筆 (Part 25)

熟我嘅人都知，我跟本同電影製作、Design 完全扯唔上關係。我好少睇戲，坦白講，平時連電視都懶得開。咁究竟點解我最近會花幾個鐘頭沉迷玩 AI 影片工具？

聽落好似有啲奇奇怪怪，但聽我講完先啦。喺香港呢個，個個都開足 120% 馬力嘅地方，你總需要搵啲實用嘅方法去散下心、學下新嘢，同埋「講真嗰句」睇吓可唔可以賺少少外快。

以下係我踩入 AI 影片領域嘅三大原因，亦係我覺得你都值得花時間玩吓嘅原因：

• 我嘅低能減壓法

生活逼人。做完一日嘢，有時我只輸入一啲無聊諗法，生成一段完全無邏輯嘅 6 秒短片，純粹博自己一笑。將啲無厘頭諗法喺兩分鐘內變做短片，估唔到係幾治癒嘅事，完全可以令我放空，暫時忘記工作同租金嘅壓力。

• 吸收新知嘅最快途徑

仲記唔記得以前要學新嘢，一係買本厚過字典嘅書，一係花錢上 Course？很多知識式資料, 可能已經out了。短片已經變咗我嘅主要課室，睇完人地幾分鐘拆解新工具，秒速吸收新知識，喺呢個飛快的AI 時代，呢種學習速度先至追得上。

• 被動收入嘅潛力係真嘅（雖然我仲係起步階段）

大家都想搵 Side Hustle。做 YouTube Channel 或者出片，但以前光係「製作門檻」就已經嚇走晒我哋呢啲普通人。AI 完全顛覆咗呢套玩法。

我個 Channel 暫時仲好微型、好個人，多數係啲產品 Clip、短片同埋去行山嘅片。不過我已經計劃緊一步點行落去。以前阻住普通人出片嘅高牆，依家基本上已經崩塌。

最震撼嘅改變：唔洗買貴 Software，幾乎零學習成本

喺 AI 出現前，你想整段似樣少少嘅片，要買極貴嘅軟件，仲要花幾個月時間同啲 Keyframe、Timeline 死過。

依家嘅流程基本上係：

• 想整動畫？ 上載張相，打幾句 Prompt，睇住佢郁。
• 想整順暢嘅 Transition？ 上載第一格同最後一格，AI 自動幫你補齊中間嘅畫面。
• 完全零 Idea？ 直接叫 AI 幫你 Brainstorm 故事、分鏡，甚至連 Script 都寫埋畀你。

門檻唔單止係降低，直情係破碎咗。如果你腦海中有啲奇奇怪怪或者好 Cool 嘅諗法，以前只可以擺喺心入面，依家要將佢搬上螢幕，從來未試過咁輕鬆。

歸根究底，Content 為王呢點永遠唔會變。影片可以令觀眾笑、可以教到有用嘅嘢，亦都可以順便幫你賺吓外快。最緊要係目標明確、簡單，加埋少少吸引力就夠。

你試過玩 AI 影片工具未？

定係覺得呢啲技術更新得太快，有啲跟唔上？

留言話我知你玩緊咩工具，我都好想聽吓你嘅分享！