我點樣將 AI 生成圖變成副業（而且你完全唔需要有藝術底子）
Painless AI Lab – 香港 AI 實戰派嘅真實記錄 (Part 24)
如果幾年前有人同我講，我有一日會開網上 AI 藝廊，我一定會笑佢痴線。我係 Chris，一個普通到唔普通嘅香港打工仔。喺香港呢個租金貴到令人頭暈嘅地方，我無任何 Design 底、無讀過藝術、連部靚D相機都無。我只係一個想搵多兩餐飯錢，又唔想 Chur 到爆嘅普通人。
呢幾個月我一直喺度鑽研各種 AI 工具，試下唔同方法去建立一啲微型被動收入。喺呢個過程中，我突然對「視覺同圖像」呢方面靈光一閃。
之前喺呢個 Blog，我都同大家分享過 Prompt Engineering（提示詞工程）、簡單整 AI App，甚至點樣幾分鐘內生成一份專業級財務報告。今日我想暫時放開，同大家傾吓更具視覺效果嘅嘢：AI 生成嘅圖片和短片，同埋佢哋點樣真係可以幫你賺到被動收入。
AI 視覺技術進化的速度：恐怖到嚇死人
以前我試玩過下 AI 制圖同生成短片，但呢啲工具進化嘅速度，坦白講真係有啲恐怖。一年前產出嚟嘅圖仲會出現六隻手指嘅人手，一個人可以有3隻手，估唔到一年後已經可以整出媲美高級商業攝影、甚至電影感十足嘅短片段。
門檻基本上已經降到近乎零。你唔需要貴相機、唔需要影棚，唔需要Models，亦唔需要幾年嘅後期剪片經驗。你只需要一個清晰嘅 Idea、寫得唔錯嘅 Prompt，同埋揀啱工具就可以了。
點樣將 AI 圖片變成真金白銀？
咁問題嚟喇：整啲靓圖出嚟，究竟點樣幫補一下？以下係我研究緊嘅幾個實用方向：
- 賣 Prompt 或數碼資產
現時有啲平台，專門有人比錢賣寫得好嘅 Prompt，因為呢啲 Prompt 可以穩定輸出某種風格或者 Branding 視覺效果。
- 經營社群媒體 Channel
喺 Instagram 或者 Pinterest 開個特定主題嘅藝術帳號，養大個 Audience 之後，再靠 AdSense、贊助或者 Affiliate Links（聯盟行銷）嚟變現。
- POD 按需印刷（Print-on-demand）
將 AI 生成嘅圖印喺 T-shirt、馬克杯、海報等等。我個人建議用 WordPress 嘅 WooCommerce 嚟做，手續費低之餘，亦可以 100% 完全掌握自己個網店。
關鍵係揀一個你自己用得順手嘅平台，同埋最重要嘅一點：有真係肯掏錢出嚟買嘢嘅客。
我嘅新實驗：AI Art Gallery
光說不做是無用的，所以我決定Action!
我啱啱喺自己個網站整咗個小型嘅 AI Art Gallery。我會陸陸續續 Upload 更多高質素嘅 AI 相片，仲會無私分享埋我用過嘅 Prompt 原文。最正嘅係：目前全部可以免費 Download！
無論你係想搵圖做 Blog、出 IG Post，抑或只係想研究下個 Prompt 點寫，歡迎隨便攞去用：
🎨 Gallery → i-bridgelife.com/ai-art-gallery（或經 ib-hk.com）
📝 我其他文章 → i-bridgelife.com/blogging（或經 ib-hk.com）
下一步？開始部署 YouTube Channel 🎬
現時我個 YouTube Channel 仲係好 Personal、好小型，得大概 100 個 Follower。平時主要係post 供應商的產品、日常生活短片同埋行山片，很隨意的。
不過我已經部署緊下一步。我下一個大挑戰，就係嘗試用全 AI 生成短片或電影感影片。依家嘅技術終於成熟到令一個人（Solo Player）都可以用全 AI 影片去講故事。不過另一個難關係成本，因為 AI Video 燒 Token 燒得好厲害。
如果你想一齊見證呢個過程（包埋我的出錯），得閒可以 Subscribe 埋我 Channel：👉 https://www.youtube.com/@chris-hk-chung
你點睇呢？
你依家有冇試過用 AI 生成圖嚟搞啲 Side project？定係仲觀望緊？
歡迎喺下面留個言，每一條 Comment 我都會睇！